iran: seudi erebistan bilen diplomatik munasiwet ornitishqa teyyarmiz
iran tashqi ishlar ministiri hüseyin emir abdullahiyan seudi erebistan bilen diplomatik munasiwet ornitishqa teyyar ikenliklirini bildürdi.
türkiye awazi radiyosi xewiri: sputnikning xewer qilishiche, iran tashqi ishlar ministiri hüseyin emir abdullahiyan, qatar taratquliri bilen ötküzgen söhbitide, riyad hökümiti bilen élip bériliwatqan muzakirilerning ijabiy yönilishte tereqqiy qiliwatqanliqini tekitlep mundaq dégen: «seudi erebistan bilen diplomatik munasiwet ornitishqa teyyarmiz, yéqinda iranning islam hemkarliq teshkilati wekilliri seudi erebistanning jidde shehirige qaytidu, bu, ikki terep munasiwetlirining tereqqiyati üchün ijabiy qedem hésablinidu. shuni alahide tekitlep ötimenki, riyad hökümiti, rayonluq mesililer heqqide muzakire élip bérishni xalaydighanliqini bildürdi, rayonluq mesililerning hel qilinishida seudi erebistan, türkiye we misir bilen hemkarliq ornitish hem muzakirilerni élip bérishqa ehmiyet bérip kéliwatimiz.»
u, israiliye bilen diplomatik munasiwetlerni normallashturush toghruluq qarar chiqarghan rayon döletlirini agahlandurup, mundaq dédi: «qoshnilirimizni siyonist israiliye hakimiyiti bilen munasiwetlerni normallashturush qarari chiqarmasliq toghruluq agahlandurimiz., chünki bu nahayiti chong istiratégiyelik xataliq bolidu, derweqe, bu xataliqning bedilini tunji bolup töleydighanlarmu özliri bolidu.»
