blinkén al nehyan we al suud bilen téléfonlashti

türkiye awazi radiyosi xewiri: amérika qoshma ishtatliri tashqi ishlar ministiri antoni blinkén, ereb birleshme xelipiliki tashqi ishlar ministiri abdullah bin zayid al nehyan we seudi erebistan tashqi ishlar ministiri shahzade feysal bin ferhan al suud bilen rusiyening ukraina chégrasigha esker toplishi we bashqa bezi özgirishler toghrisida sözleshti.

amérika tashqi ishlar ministirliqi bayanatchisi néd prays yazma bayanat élan qilip, amérika tashqi ishlar ministiri antoni blinkénning ereb birleshme xelipiliki tashqi ishlar ministiri al nehyan we seudi erebistan tashqi ishlar ministiri bin ferhan bilen körüshkenliki bildürdi.

prays bayanatida: «ministir blinkén bilen sheyx abdullah rusiyening ukraina chégrasigha esker toplishi, yemen, éfiyopiye we sudandiki özgirishler, hemde ikki dölet yéqindin köngül bölidighan ayrim we rayonluq mesililer toghrisida sözleshti» dégen ibarilerge orun bérildi.

yene bir bayanatida, blinkén bilen bin ferhanning yuqiriqigha oxshash mesililer toghrisida pikir almashturghanliqini bildürgen bayanatchi néd prays, ikki ministirning yene seudi erebistandiki kishilik hoquq weziyiti toghrisidimu sözleshkenlikini sözlirige ilawe qildi.