wéngiriye xewpsizlik küchliri musapirlarning chégradin ötüshige tosqunluq qilishni kücheytti

türkiye awazi radiyosi xewiri: wéngiriye döletlik saqchi merkizi bayanat élan qilip, 20 – dékabirdin 26 – dékabirghiche bolghan jeryanda 1418, 27 – dékabirdin 2 – yanwarghiche bolghan jeryanda 1381 panahliq tiligüchining chégradin kirishining aldi élinghanliqini uqturdi.

yéqinqi 3 kün ichide chégradin kirishke urunghan 457 panahliq tiligüchining tosuwélinghanliqi bildürülgen bayanatta,  bu bir heptilik jeryanda 21 kishining adem etkeschiliki gumani bilen nazaret astigha élinghanliqi eskertildi.

wéngriye musapirlarni tosush üchün sérbiye we kirodiye chégrasigha tikenlik sim ornitip, chégra rayonlarda jiddiy halet élan qilghan we qanunsiz chégradin ötküchilerge bérilidighan jazani éghirlashturghanidi.

buningdin bashqa wéngiriye miqyasida qolgha chüshürülgen panahliq tiligüchilerning sim tosuqlar bilen qorshalghan wéngiriye chégralirining sirtigha chiqiriwétilidighanliqi élan qilinghanidi.