sudan bash ministiri abdullah hamduk wezipisidin istépa berdi
sudan bash ministiri abdullah hamduk dölitining xeterge ittirilmesliki we xelqning yolini échish üchün istépa bérishni qarar qilghanliqini bildürdi.
türkiye awazi radiyosi xewiri: sudan bash ministiri abdullah hamduk döletlik téléwiziyeside bayanat élan qilip: «sudan xelqining yolini échish üchün wezipemdin istépa bérishni qarar qildim» dédi.
u döletning xeterge ittirilmesliki üchün qolidin kelgen tirishchanliqni körsetkenlikini bildürüp: «sudan inqilabi nishanigha qarap ilgirilewatidu» dédi.
u sudanning qisqa waqit ichide tüzitilmise mewjutluqigha tehdit salidighan xeterlik burulush nuqtisidin ötüp ketkenlikini eskertip, barliq tirishchanliqlirigha qarimay kirizisni hel qilish üchün siyasiy we armiyeni öz ichige alghan hemme terepler bilen körüshkenlikini, emma netijige érishelmigenlikini qeyt qildi.
sudanda armiye 25-öktebir (2021) hakimiyetni ötküzüwalghan bolup, hökümetni qollaydighan kishiler shu kündin tartip eskerlerning bazilirigha qaytishini telep qilip namayish ötküzmekte. namayishlarda yüz bergen her xil weqelerde 54 kishi jénidin ayrildi.
sudan herbiy hökümiti 2023-yili iyulda saylam arqliq hakimiyet béshigha kélidighan hökümet qurulghiche hakimiyette turidighanliqini ilgiri sürmekte.
