maduro: baydin bilen körüshüshke ijabiy qaraymen
wénézuéla pirézidénti nikolas maduro amérika pirézidénti jo baydin bilen körüshüshke ijabiy qaraydighanliqini bildürdi.
türkiye awazi radiyosi xewiri: wénézuéla pirézidénti nikolas maduro télésur (Telesur) téléwiziyesining ziyaritini qobul qilghanda: «amérika hökümiti bilen biwaste, jesurane, semimiy we özara chüshinish hasil qilishni meqset qilghan diyalogning bashlinishini ümid qilimen» dédi.
u jo baydin amérika piréziéntliqigha saylanghandin buyan munasiwetlerde yaxshilinish bolmighanliqini eskertip: «jo baydin hökümiti bilen diyalog bashlanghan bolsa kashki, shundaq bolsa nahayiti yaxshi bolatti. undaq bolmisimu, kürishimizni dawamlashturimiz» dédi.
u öktichiler bilen 13-awghust (2021) méksikaning sahibxanliqida we norwégiyening wastiliq qilishi astida bashlanghan muzakirelerning toxtap qélishigha, amérikaning jawabkar ikenlikini tekitlidi.
u wénézuélaning yéngi yilni yaxshi bashlighanliqini, maarip, sehiye, turalghu we ijtimaiy memnunluq tolghan musapigha qarap ilgirilewatqanliqini qeyt qildi.
u 19-iyun (2021) élan qilghan bayanatida, yéqiqi yillarda amérika bilen wénézuéla otturisida barghanséri éshiwatqan jiddiychilikni peseytishni xalaydighanliqlirini eskertken idi.
