sudandiki herbi siyasiy özgirishke qarshi namayishlarda qaza qilghanlarning sani 54 ke yetti
sudanda armiye hakimiyetni tartiwalghan 25-öktebirdin buyan xelq hökümitining eslige keltürülishini telep qilip ötküzülgen namayishlarda bixeterlik qisimlirining qattiq mudaxilisi netijiside hayatidin ayrilghanlarning sani 54 ke yetti.
türkiye awazi radiyosi xewiri: sudan merkizi doxturlar komitéti teripidin élan qilinghan bayanatta, 30-dékabirdiki herbiy siyasiy özgirishke qarshi namayishlarda qorsiqigha oq tégip yarilanghan 23 yashliq abdulla abbasning hayatidin ayrilghanliqi bildürüldi.
bayanatta, abbasning ölümi bilen 30-dékabirdiki namayishta öltürülgenler sanining 6 ge shundaqla 25- öktebirdin buyanqi namayishlarda öltürülgenler sanining jemiy 54 ke yetkenliki uqturuldi.
armiye 25 - öktebir jiddiy halet élan qilish arqiliq hökümetni emeldin qaldurup, sudan bash ministiri abdulla hemduk qatarliq onlighan siyasiyonni qolgha alghan herbiy arilishishtin kéyinki hakimiyet krizisini axirlashturush üchün 12 - noyabirda armiye qomandani général abdulfettah elburhan bilen wezipisi qayturup bérilgen bash ministir abdulla hemduk otturisida ortaq hökümet qurush kélishimi imzalanghan idi.
herbiy siyasiy özgirishke shundaqla bu siyasiy kélishimge naraziliq bildürgen xelq ammisi hökümetning pütünley puqralargha tapshurup bérilishi kéreklikini telep qilip memliket miqyasida namayishlarni bashlighan idi.