xitay: amérika qishliq olimpik tenheriket musabiqisige iltimas sundi
xitay 2022-yilliq béyjing qishliq olimpik tenheriket musabiqisini diplomatik jehettin bayqut qilidighanliqini jakarlighan amérika qoshma ishtatlirining 18hökümet emeldarigha wiza iltimasi sunghanliqini bildürdi.
türkiye awazi radiyosi xewiri: xitay tashqi ishlar ministirliqi bayanatchisi saw lichyen, wiza iltimaslirini tapshuruwalghanliqlirini؛ iltimaslarning xelqaraliq pirinsiplar, alaqidar belgilimiler we diplomatik munasiwetlerge uyghun shekilde bir terep qilinidighanliqini bayan qildi.
«‹South China Morning Post› géziti» mu, aldinqi hepte élan qilghan xewiride, amérika qoshma ishtatlirining «bixeterlikni qollash paaliyetliri» ge qatnishishi üchün, tashqi ishlar ministirliqining ottura we töwen derijilik 18 emeldarigha wiza iltimasining sunulghanliqini, yene 40 xadim üchün iltimas sunulushining pilanliniwatqanliqini uqturghanidi.
saw lichyen, amérika qoshma ishtatlirining qishliq olimpik tenheriket musabiqisige teklip qilinmighan bolushigha qarimay resmiy we diplomatik heyet ewetmeydighanliqlirini jakarlap, «siyasiy kontrol qilish toghrisida komédiyelik pozitsiye tutqanliqini» ilgiri sürüp, mundaq dédi: «amérika qoshma ishtatlirini yene bir qétim olimpik rohigha uyghun shekilde heriket qilishqa, tenterbiyeni siyasiylashturushni toxtitishqa we béyjing qishliq olimpik tenheriket musabiqisige buzghunchiliq qilish meqset qilinghan xata söz - heriketlerge xatime bérishke chaqirimiz.»
béyjing qishliq olimpik tenheriket musabiqisi, 2022-yili 2-ayning 4-künidin 20-künigiche xitayning paytexti béyjingda ötküzülidu.
