gérmaniye bu yil qoral éksport qilishta rékort yaratti
gérmaniyening bu yil qoral we herbiy üskünilerni sétish nisbitining 9 milyard yawrodin ashqanliqi élan qilindi.
türkiye awazi radiyosi xewiri: gérmaniye xewer agéntliqining xewirige asaslanghanda, iqtisad ministirliqi sol partiyening soaligha jawab bergen. ministirliq bu yil texminen 9 milyard 40 milyon yawroluq qoral we herbiy üskünilerning sétilishini testiqlanghanliqini bildürgen.
buningdin ilgirimu 2019-yili 8 milyard 20 milyon yawro bilen rékort yaratqan idi.
gérmaniye eng köp qoral éksport qilghan döletning misir ikenliki bildürüldi. misirgha 4 milyard 340 milyon yawroluq qoral we herbiy üskine sétildi.
angéla mérkél rehberlikidiki sabiq hökümet, hakimiyetni tapshurup bérishtin sel ilgiri misirgha ikki qétim qoral éksportini testiqlighan idi.
misirning bu qorallar bilen yemendiki puqralarni hujum nishani qilghanliqi ilgiri sürüliwatqan seudi erebistangha yardem qilghanliqi eskertilmekte. shunglashqa misirgha qoral sétish gérmaniyede talash-tartish peyda qilmaqta.
