yemenning meghrib wilayitide herbiy heriket élip bérildi
seudi erebistan bashchiliqidiki ereb birleshme qismi yemenning meghrib wilayitide iranning qollishi astidiki husiylargha qarshi herbiy heriket élip bardi.
türkiye awazi radiyosi xewiri: yemende hökümetni qollawatqan seudi erebistan bashchiliqidiki ereb birleshme qismi, döletning meghrib wilayitide iranning qollishi astidiki husiylargha qarshi bashlighan herbiy heriketlerde 310 qoralliq husiyning öltürülgenlikini bildürdi.
ereb birleshme qismining bayanatida, yéqinqi 24 saette yemenning meghrib wilaytide husiylargha qarshi 36 herbiy heriketning élip bérilghanliqi qeyt qilindi.
bayanatta, mezkur herbiy heriketlerde 310 qoralliq husiyning öltürülgenliki, 28 herbiy aptomobilning pachaqlap tashlanghanliqi bildürüldi.
emma, husiylar terep bu toghrida héchqandaq bayanat élan qilmidi.
uzun waqitlardin buyan siyasiy muqimsizliq dawamlishiwatqan yemende, iranning qollishi astidiki husiylar 2014-yili séntebirdin tartip paytext sanaa we bezi rayonlarning kontrolluqini qolgha kirgüzdi.
seudi erebistan bashchiliqidiki birleshme qisim 2015-yili marttin bashlap husiylargha qarshi yemen hökümitini qollap kelmekte.
