awstiraliye wuxen wirusi tedbirlirini qayta yolgha qoyushqa bashlidi
awstiraliyede wuxen wirusi (Kovid-19) bayqalghan tunji kündin buyan wabagha munasiwetlik weqe sanining birinchi qétim 5 mingdin éshishi sewebidin yéngi tedbirler yolgha qoyuldi.
türkiye awazi radiyosi xewiri: awstiraliye bash ministiri skot morrison (Scott Morrison) ishtat we rayon bash minstirlirining qatnishishi astida ötküzülgen sinliq yighinda, téz sürette köpiyiwatqan délta we omikron wariyantlirigha qarshi yolgha qoyulidighan tedbirlerni muzakire qildi. arqidin axbarat élan qilish yighini ötküzdi.
u fédératsiye hökümitining mejburiy maska taqashni yolgha qoymaydighanliqini, emma üsti yépiq jaylarda yaki ijtimaiy musapige diqqet qilish imkaniyiti bolmighan jaylarda maska taqashning qetiy türde yolgha qoyulidighanliqini bildürdi.
awstiraliye fédératsiye hökümiti maska taqash toghrisida qarar chiqarmisimu, maska taqashni mejburiy yolgha qoyush-qoymasliqni her qaysi ishtatlar özliri qarar chiqiridu.
hazirghiche omikron wariyanti bayqalmighan gherbiy awstiraliye ishtatining bash ministiri mark mék gowan üchinchi shishe waksinaning omikron wariyantigha qarshi ümid ikenlikini eskertti.
resmiy melumatlargha asaslanghanda, awstiraliyede ikki shishe wuxen wirusi waksinasi emletkenlerning nisbiti %89.7, bir shishe emletkenlerning nisbiti %93.1 bolghan.
