zéléniski: yawropa ittipaqi rusiyege derhal émbargo yürgüzüshi kérek
ukraina pirézidénti wladimir zéléniski yawropa ittipaqining rusiyening ukrainagha hujum qilish éhtimalliqini kütmestin moskwagha derhal émbargo yürgüzüshi lazimliqini éytti.
türkiye awazi radiyosi xewiri: zéléniski, bélgiyening paytexti biryussélda chaqirilghan «yawropa ittipaqi – sherq hemrahliqi» bashliqlar yighinidin kéyin élan qilghan bayanatida, ukrainaning sürkilishni peseytish üchün rusiye bilen söhbet ötküzüshke teyyar ikenlikini, emma rusiye pirézidénti wiladimir putinning hazirghiche söhbet ötküzüshni xalimaywatqanliqini tekitlep mundaq dédi: «bizge nisbeten muhim bolghini, toqunushlar yüz bergendin kéyin emes, eksiche rusiyege aldin émbargo yürgüzülüshidur, chünki, émbargolar toqunushlar otturigha chiqqandin kéyin yürgüzülgen teqdirde, bu émbargolarning héchqandaq ehmiyiti qalmaydu. shuni alahide tekitlep ötimenki, ukraina – rusiye otturisida uda 8 yldin buyan urush üzlüksiz dawamlashmaqta, qoralliq toqunushlar otturigha chiqishtin burun yürgüzülgendila, andin émbargolarning sürkilishning aldini élish méxanizmigha aylinalaydighanliqigha ishinimiz.»
yawropa ittipaqi dairiliri, aldinqi aydin buyan, rusiyening ukraina chégrasi etrapigha adettin tashqiri derijide köp esker orunlashturuwatqanliqidin endishe qiliniwatqanliqini, rusiye ukrainagha qayta hujum qilghan teqdirde, buning aqiwetlirining éghir bolidighanliqini pat – pat otturigha qoymaqta.
