xitay: amérikani urush jinayetliri üchün jawabkarliqqa tartish kérek
xitay amérikaning afghanistangha mudaxile qilishini eyiblep, xelqara jemiyetni «amérikani urush jinayitige jawabkar dep qarashqa we hésabqa tartishqa» chaqirdi.
türkiye awazi radiyosi xewiri: xitay tashqi ishlar ministirliqi bayanatchisi wang wénbin paytext béyjingda muxbirlargha bergen bayanatida: «démokratiye bashliqlar yighinida démokratiye we kishilik hoquq toghrisida söz qilghanda, amérika armiyesi teripidin öltürülgen bigunah afghanistan xelqi chetke qayrip qoyuldi. ularning aile-tawabiatliri erz sunidighan yer yoq idi» dédi.
wang amérikaning jinayetchilerni jazalashni ret qilishining téximu yirginishlik bolghanliqini tekitlep, «amérikaning démokratiye we kishilik hoquq namida afghanistan, iraq we süriyediki rehimsiz herbiy mudaxilisini eyibleymiz. xelqara jemiyetni amérika armiyesining dunya miqyasida bigunah puqralarni öltürüsh xaraktérlik urush jinayetlirini tekshürüshke we jawabkarliqqa tartishqa chaqirimiz» dédi.
