xitay herbiy sahediki süniy idrak téxnikisi toghrisda pikir doklati sundi

türkiye awazi radiyosi xewiri: xitayning birleshken döletler teshkilatida turushluq qoral-yaragh kontrolluqi bash elchisi li song herbiy sahediki süniy idrak sistémisini kontrolluq astigha élishqa alaqidar pikir doklatini shiwéyétsariyening jenwe shehiride ötküzülgen bir qisim eneniwi qorallar ehdinamisini közdin kechürüsh yighinigha sundi.

li bayanatida, urushning yönilishini pütünley özgertish iqtidarigha ige süniy idrakning insaniy pajielerni keltürüp chiqiralaydighanliqini, shunga uning zomigerlikning qorali süpitide ishlitilishining aldini élish üchün qanunlargha éhtiyaj barliqini bildürdi.

xitayning süniy idrak téxnikisini ishlitip mutleq herbiy üstünlükni qolgha keltürüsh shundaqla bashqa döletlerning igilik hoquqi we zémin bixeterlikige tehdit sélishqa qarshi turidighanliqini ilgiri sürüp, «döletler bolupmu chong döletler süniy idrak téxnikisidin paydilinip qoral sistémisini tereqqiy qildurushta éhtiyatchan bolushi kérek» dédi.

li yene herbiy sahediki süniy idrak téxnikisining tarqilishining aldini élish üchün xelqara nazaretke éhtiyaj barliqini tekitlidi.

xitay hökümitining yighingha sunghan pikir doklatida, süniy idrak sistémisining kontrolluqini kücheytishning döletler otturisidiki ishenchni ashuridighanliqi, yer sharining istratégiyelik muqimliqigha töhpe qoshidighanliqi, qorallinish riqabitining aldini alidighanliqi we insanperwerlik endishisini yoqitidighanliqi bildürüldi.