gérmaniyede jamege hujum qilghan kishiler qolgha élindi
gérmaniyening léypzig shehiridiki diniy ishlar türk - islam birlikige qarashliq eyyub sultan jamesige hujum qilghan guruppidin 11 kishi qolgha élindi.
türkiye awazi radiyosi xewiri: 100 – 150 kishilik esebiy ongchil radikal guruppining, tünügün kech tereplerde yighilishqa qatnashqandin kéyin, eyyub sultan jamesige qilghan hujumi sewebidin binada maddiy ziyan meydangha keldi.
diniy ishlar türk - islam birliki sultan jamesi jemiyitining reisi ömer mumju, jamege qilinghan hujumdin qattiq epsuslinidighanliqlirini, her yili mushuninggha oxshash weqelerge duch kélidighanliqlirini eskertish bilen bir waqitta, hujumda jamening 4 dérizisining eyneklirining chéqilip ketkenliki we binada maddiy ziyan körülgenlikini tekitlidi, hemde bu hujumlargha xatime bérilishi üchün saqchilardin yardem telep qilghanliqlirini éytti.
u yene, guruppining jamege we saqchilargha étildaqlarni étip, haqaret qilghanliqini, hujum bilen chétishliqi bar 11 kishining qolgha élinghanliqinimu sözlirige ilawe qildi.
