baydin zéléniski bilen téléfonlashti
amérika qoshma ishtatliri pirézidénti jo baydin ukraina pirézidénti wladimir zéléniski bilen téléfonda körüshti.
türkiye awazi radiyosi xewiri: ukraina pirézidént mehkimisining bildürüshiche, baydnn bilen zéléniskining téléfon söhbitide, ukraina etrapidiki bixeterlik ehwali we tinchliq ornitilishi yolida tashlinidighan qedemler heqqide muzakire élip bérilghan.
ikki rehber, amérika qoshma ishtatliri pirézidénti jo baydin bilen rusiye pirézidénti wiladimir putin otturisidiki uchrishishning netijiliri heqqide özara pikir almashturghan téléfon söhbitide, zéléniski, amérika qoshma ishtatlirining, ukrainaning zémin pütünlüki we igilik hoquqini izchil hem qetiy qollap kéliwatqanliqi üchün, baydingha rehmet éytqan.
zéléniski, donbas kirizisini tinch yollar bilen hel qilish terepdari ikenlikini tekitligen téléfon söhbitide, terepler, kéyinki basquchta birlik we barawerlik asasida qedem tashlash toghruluq birdeklik hasil qilghan.
zéléniski toxtap qalghan tinchliq söhbitini qayta bashlash teklipini otturigha qoyghan, hemde oxshimighan formatsiyelerde muzakirilerni élip bérishqa teyyar ikenliklirini qeyt qilghan.
ikki rehber yene, ukrainaning dawamlishiwatqan hibrit tajawuzchiliqqa qarshi turush kürishide, ukrainagha bixeterlik, pul-muamile we siyasiy sahelerde yardem bérish yolliri üstide muzakire élip barghan.
