qatar ministiri al sani: türkiyening iqtisadining asasiy küchlük

türkiye awazi radiyosi xewiri: al sani paytext dohada dölet ishliri ziyaritide boluwatqan türkiye jumhuriyiti tashqi ishlar ministiri mewlüt chawushoghlu bilen ötküzgen qoshma muxbirlarni kütüwélish yighinida, ayrim uchrishishlirida, pelestin mesilisi, süriye we afghanistandiki özgirishler toghrisida sözleshkenliklirini bildürdi.

türkiye bilen qatar otturisidiki munasiwetning istratégiyelik we pewquladde shériklik munasiwiti ikenlikini we bu munasiwetlerning her qaysi sahelerde dawamliq tereqqiy qiliwatqanliqini tekitligen al sani, bügün jr rejep tayyip erdoghan bilen qatar emiri sheyx temim bin hemed al sanining ishtirak qilishi bilen türkiye - qatar yuqiri derijilik istratégiyelik komitétining yettinchi nöwetlik yighinining échilidighanliqini xatirilitip ötti.

qatar emiri bilen jumhur reis erdoghanning afghanistandiki siyasiy we insanperwerlik weziyiti toghrisidimu sözlishidighanliqini bildürgen al sani: «türkiye - qatar yuqiri derijilik istratégiyelik komitétining 7- nöwetlik yighinida 12 yéngi kélishimning imzalinishi kütülmekte» dégenlerni qeyt qildi.

qatar ministiri al sani türkiye iqtisadi toghrisida toxtilip: «biz türkiyening köp xilliqqa ige iqtisadigha ishinimiz. türkiye iqtisadi mustehkem asas üstige qurulghan. bumu iqtisadning nöwettiki weziyetni yéngishige sharait hazirlaydu. qatarning türkiyege salghan meblighi köp, bu mebleghler ünümlük méwe bermekte» dédi.