borrél: mudapie téxnologiyesi saheside chong küchlerning xélila arqisida qalduq

türkiye awazi radiyosi xewiri: josép borrél, yawropa mudapie agéntliqining bélgyening paytexti biryussélda chaqirghan «yawropa mudapieside ijadiyliq» témiliq yilliq yighinda söz qilip: «yawropa ittipaqi birlikte derhal téximu köp ishlarni qilishimiz kérek. mudapie sahesidiki yéngiliqlargha derhal meblegh salmisaq, témining sirtida qalimiz» dédi.

u süniy istixbaratqa oxshash yéngi téxnikilarning urushlarning xaraktérini özgertiwetkenlikini otturigha qoyup: «chong küchler süret bilen bu xil yéngi téxnologiyelerni herbiy meqsette tereqqiy qildurup, ishlitishke teyyar haletke keltürmekte» dédi.

yawropa ittipaqining bu jehette chong küchlerning xélila arqisida qalghanliqini ilgiri sürgen borrél, yawropa ittipaqi bilen mezkur küchler otturisidiki perqning zoriyiwatqanliqini eskertti.

u yawropa mudapie agéntliqining eng yéngi sanliq melumatlirigha asaslanghanda, eza döletlerning 2020 – yili tetqiqat we téxnologiye sahesige 2 milyard 500 milyon yawro meblegh salghanliqini, buning omumiy mudapie chiqimining %1.2 ige teng kélidighanliqini ilgiri sürdi.

amérika qoshma ishtatlirining bu sahege kem dégende 14 milyard yawro meblegh salghanliqini tekitligen borrél: «gogul tetqiq qilish – tereqqiy qildurush sahesige yawropa ittipaqining mudapie sahesige salghan meblighining 10 hessisidin köp meblegh saldi» dédi.

yawropa ittipaqining mudapie we xewpsizlik saheside tereqqiy qilishi we qarar chiqirishigha yétekchilik qilidighan istratégiyelik körsetküchining 2022 – yili martta chaqirilidighan yawropa ittipaqi bashliqlar yighinida maqullinishi pilanlanmaqta.