ete wladimir putin bilen jo baydin özara muzakirelishidighan boldi
rusiye pirézidénti wladimir putin ete (2021-yili 7-dékabir) amérika pirézidénti jo baydin bilen ukraina mesilisini muzakirelishidu.
türkiye awazi radiyosi xewiri: rusiye pirézidéntliqi (krémil sariyi) ning bayanatchisi dmitriy péskow muxbirlargha élan qilghan bayanatida, ete paytext moskwada putin bilen baydinning sinliq körüshidighanliqini bildürdi.
péskow yighinning biwasite tarqitilmaydighanliqi toghrisidiki uchurlarni hembehirlep, 16-iyun (2021) shiwéytsariye paytexti jenwede birlikke kelgen mesililerning ikki rehber teripidin muzakire qilinidighanliqini éytti.
péskow: «elwette nachar halette turup qalghan özara munasiwetler muzakire qilinidu. ikki rehber küntertiptiki qizziq mesililerni muzakirelishidu. bularning ichide, aldi bilen ukrainadiki jiddiychilik, shimaliy atlantik ehdi teshkilatining chégramizgha qarap ilgirilishi we putinning bixeterlik képilliki mesilisidiki teshebbuslirimu bar» dédi.
