Twitter ning bash ijraiye emeldari wezipisidin istépa berdi
ammiwi ortaqlishish tor béti Twitter ning bash ijraiye emeldari jak dorséy wezipisidin istépa berdi.
türkiye awazi radiyosi xewiri: dorséy, Twitter sehipiside élan qilghan bayanatida, wezipisidin ayrilishni qararlashturghanliqini eskertti, hemde bu qarari toghruluq shirketning xizmetchi – xadimlirigha qaratqan uchurida, mundaq dédi: «men bir shirketning qurghuchisining tesiri we yol körsitishidin musteqil halda öz aldighila put tirep turalishining nahayiti muhimliqigha ishinimen.»
ammiwi ortaqlishish tor béti Twitter teripidin élan qilinghan bayanatta, ijraiye heyitining, shirketning bash téxnologiye ishliri mesuli parag agrawalni birdek awaz bilen yuqiri derijilik bashqurghuchi we mudiriyetning ezaliqigha teyinligenliki eskertilish bilen bir waqitta, dorséyning, 2022-yildiki paychiklar yighinida wezipe ötesh mudditi toshquche mudiriyetning ezasi bolup qalidighanliqi tekitlendi.
jak dorséyning Twitter din ayrilish qararidin kéyin, shirketning niyu yorktiki aksiye birzhisidiki pay chekliri% 3 ke yéqin ashti.
