xitay: amérika teywen mesilisidin xitayni qorshawgha élish üchün paydiliniwatidu
xitay amérikani «teywen mesilisidin xitayni qorshawgha élish üchün paydiliniwatidu» dep eyiblidi.
türkiye awazi radiyosi xewiri: xitay tashqi ishlar ministiri wang yi öz döliti bilen amérika otturisidiki riqabetke üchinchi döletlerning terep bolushqa mejburlanmasliqi kéreklikini bildürdi.
«jenubiy xitay seher pochtaisigéziti» ning xewer qilishiche, ministir wang yi hindonéziye aqillar ambiri tashqi siyaset jemiyiti chaqirghan tor yighinida nutuq sözligen.
wang yi dunyaning teqdirining we kelgüsining washington bilen béyjing dairilirining munasiwetlirini qandaq élip bérishigha baghliq ikenlikini tekitlep: «ayrilish we munasiwetni qesten üzüshni asas qilghan keskin riqabetning ornigha, üchinchi döletler chong küchler otturisidiki küreshte terep bolushqa mejburlanmaydighan, özara menpeet yetküzüsh we teng payda élish pirinsipini asas qilghan ijabiy we yumshaq riqabet bolushi kérek idi» dédi.
wang yi sherqiy jenubiy asiya elliri ittipaqining rayondiki rolini kéngeytishini qollaydighanliqigha ima qilip, buning iqtisadiy hemkarliq we tereqqiyat arqiliq rayonning tinchliqi we muqimliqigha qoshidighan töhpisining barliq döletlerge paydiliq bolidighanliqini bildürdi.
wang hindi-ténch okyan rayonida toqunush chiqirish we siyasiy, herbiy guruhlarni shekillendürüshning tinchliqqa we güllinishke ziyan yetküzidighanliqini tilgha élip: «bu xil teshebbuslar eng küchlük kolléktip bayqut qilishqa erziydu» dédi.
wang teywenning musteqilliqigha qarshi turushning tinchliq, muqimliq we güllinish pursitini ashuridighanliqini ilgiri sürüp, amérikani «teywen mesilisidin xitayni qorshawgha élish üchün paydiliniwatidu» dep eyiblidi.
