ukraina-rusiye yirikchiliki yawropa üchün pajielik aqiwet peyda qildu

türkiye awazi radiyosi xewiri: rusiye, ukraina chégrasigha yéqin rayonlargha herbiy qisimlarni yighishni dawamlashturuwatqan bir peytte, ukraina dölet mudapie ministiri oléksiy réznikoy (OleksiyReznikov) amérikani ziyaret qildi.

ukraina dölet mudapie ministiri oléksiy réznikoy amérika dölet mudapie ministiri lloyd ostin (Lloyd Austin) bilen péntagonda körüshti.

amérika dölet mudapie ministirliqining bayanatida mundaq déyildi:

«ministirlar rusiyening rayon muqimliqigha buzghunchiliq qiliwatqan heriketliri qatarliq bir qatar xewpsizlik mesililirini muzakire qildi. 31-awghustta (2021) imzalanghan amérika-ukraina istratégiyelik mudapie ramkisida tekitlengen ortaq aldin ehmiyet bérilidighan nuqtilarni ilgirilitish üchün tirishchanliq körsitish mesiliside kélishti.»

amérika dölet mudapie ministiri ostin körüshüshtin burun élan qilghan qisqa bayanatida: «rusiyening urushqaqliqigha qarshi ortaq ehmiyet béridighan nuqtilirimizni ilgirilitishni dawamlashturush we qara déngizning bixeterliki, intérnét tor hujumidin qoghdinish hemde istixbarat almashturush qatarliqlarda özara hemkarliqlirimizni chongqurlashturush üchün, amérika-ukraina istratégiyelik mudapie ramkisini qandaq ijra qilalaydighanliqimizni muzakire qilishni töt köz bilen kütüwatimen» dédi.

ukraina dölet mudapie ministiri réznikoy ukrainaning amérika bilen istratégiyelik munasiwetlirini we amérikaning rusiyening urushqaqliqigha qilghan yardimini teqdirleydighanliqini bildürdi.

u: «rusiyening ukrainada yirikchiliklerni her qachan ulghaytalaydighanliqini nahayiti yaxshi bilimiz. dölitimizni we ewladlirimizning kelgüsini qoghdashqa teyyarmiz. bundaq yirikchilik pütkül yawropa üchün pajielik aqiwetlerni peyda qilidu. buning yüz bérip-yüz bermesliki bolsa, medeniyetlik dunyaning bu urushqaqliqqa qarshi yuqiri sewiyelik ittipaqliqi we qetiy meydanigha baghliq» dédi.