iran amérikani eyiblidi

türkiye awazi radiyosi xewiri: iran tashqi ishlar ministirliqi bayanatchisi seid xatibzade, bu heqte élan qilghan bayanatida, iranning amérika qoshma ishtatlirida 2020 – yili ötküzülgen saylamgha mudaxile qilishqa orunghanliqigha dair dewalarni ret qildi, hemde yéngi  émbargolarni, amérika qoshma ishtatlirining sabiq pirézidénti donald trampning téhrangha qarita yolgha qoyghan «muweppeqiyetsiz we eng qattiq bésim siyasiti» ning dawami dep qaraydighanliqini we washingtonning  iranliq 6  shexs we bir shirketni «émbargo yürgüzülidighanlar tizimliki» ge kirgüzüshini eyibleydighanliqini bildürüp mundaq dédi: «köpligen döletlerge her xil yollar bilen mudaxile qilish tarixi nahayiti uzungha sozulidighan amérika hökümitining, bu dölettiki jamaetchilikni aldash meqsitide otturigha tashlighan bu xil eyibleshlirining qilche asasi yoqtur.»

amérika qoshma ishtatliri maliye miistirliqi teripidin tünügün élan qilinghan bayanatta, iranning amérika qoshma ishtatlirining «2020-yildiki pirézidént saylimigha mudaxile qilishqa urunghanliqi» seweblik iranliq 6  shexs we bir shirketning «émbargo yürgüzülidighanlar tizimliki» ge kirgüzülgenliki uqturulghanidi.