waba mezgilide balilarda sémizlik nisbiti ashqan
engliye we amérikada qilinghan tetqiqatlargha asaslanghanda, balilardiki sémizlikning köpiyishide, wuxen wirusi (Kovid-19) mezgilide heriket qilmasliq we nachar ozuqlinish asasliq amillar bolghan.
türkiye awazi radiyosi xewiri: engliye döletlik sehiye xizmetliri sanliq melumatlarni tetqiq qilip, 2019-2020-yillirida %10 bolghan balilardiki sémizlik nisbitining, 2020-2021-yilliri %14 chiqqanliqini we bu nisbetning kembeghel qatlamda ikki hesse yuqiri ikenlikini bayqighan.
amérika késelliklerni kontrol qilish we aldini élish merkizimu tetqiqatida oxshash netijilerge érishken.
texminen 435 ming balining melumatliri tekshürülgen tetqiqatta, balilarda beden éghirliqi indéksining ikki hesse ashqanliqi otturigha chiqqan.
wabadin burun %19 bolghan balilardiki sémizlik nisbiti, waba mezgilide %22 ke örligen.
mutexessislerning bildürüshiche, sémizlikning éshishigha sewebliridin biri, waba mezgilide yolgha qoyulghan sirtqa chiqmasliq cheklimiliri iken.
bu mezgilde balilar heriket qilmighan, kompyutér, tablét we téléwizor körüsh nisbiti ashqan. ushshaq-chüshshek yémikliklerni istémal qilishmu sémizlikning éshishigha seweb bolghan.