bélarusiye bilen rusiye polsha-bélarusiye chégrasidiki musapirlar kirizisigha jawabkar
amérika tashqi ishlar ministiri antoni blinkén polsha-bélarusiye chégrasidiki musapirlar kirizisigha, bélarusiye bilen rusiyening jawabkar ikenlikini bildürdi.
türkiye awazi radiyosi xewiri: amérika tashqi ishlar ministirliqi bayanatchisi néd prays (NedPrice) ministir blinkén bilen polsha tashqi ishlar ministiri zbigniyéw raw (Zbigniew Rau) ning téléfon söhbiti toghrisida yazma bayanat élan qildi.
néd praysning bayanatida qeyt qilinishiche, amérika polsha-bélarusiye chégrasidiki musapirlar kirizisigha, bélarusiye pirézidénti aléksandir lukashénko bilen rusiyening jawabkar ikenlikini éniq otturigha qoyghan.
bayanatta mundaq déyilgen:
«lukashénko hakimiyitining heriketliri rayondiki xewpsizlikke tehdit sélip, rayondiki bölünüshni ulghaytqan bir waqitta, rusiyening ukraina chégrasidiki qedemliridin diqqetni bashqa yaqqa burashni meqset qilidu. ular özlirining menpeeti üchün musapirlardin paydiliniwatidu. bélarusiye bilen rusiyege yürgüzülüwatqan émbargolar téximu éghirlishishi mumkin.»
iraq hökümiti bélarusiye bilen polsha chégrasidiki sekkiz lagérda 571 iraq puqrasining barliqini, iraqtiki kishilerning u yerge barmasliqi üchün bezi döletler bilen kordinatsiye halida heriketke ötüshke bashlighanliqini uqturdi.
yawropagha bérish xiyali bilen yolgha chiqqan we polsha-bélarusiye chégrasida qapsélip qalghan minglarche musapir, soghuq hawa we yétersiz ozuqlinish qatarliq qiyin sharaitlar astida, yashash üchün küresh qilishni dawamlashturmaqta.
