xitay pakistangha eng chong we eng ilghar urush paraxotini berdi

türkiye awazi radiyosi xewiri: «yer shari waqti géziti» ning xewirige asaslanghanda, xitay döletlik paraxot yasash shirkiti (CSSC) ishlepchiqarghan qoghdighuchi «PNS Tughril» paraxoti shangxeyde alahide murasim bilen pakistan déngiz armiyesige tapshurulghan.

xitay döletlik paraxot yasash shirkiti (CSSC)  teripidin élan qilinghan bayanatta, bu paraxotning xitay bügünge qeder chet ellerge éksport qilghan eng chong, eng ilghar we eng yuqiri téxnikiliq urush paraxoti ikenliki bildürülgen.

pakistan déngiz armiyesi teripidin élan qilinghan bayanatta, «054A/P» tipliq qoghdighuchi paraxotning éléktronluq eqliy iqtidarning yuqiri ikenliki, yerdin yerge, yerdin hawagha we su astigha bomba étish iqtidari bolghan ilghar téxnikiliq urush paraxoti ikenliki bildürüldi.

pakistanning béyjingda turushluq bash elchisi muinul heq paraxotning tapshurulushining ikki dölet munasiwitide yéngi bet achqanliqini, bu paraxotning pakistan déngiz armiyesining déngizdiki tehditlerge qarshi turush, küch tengpungluqi, hindi okyanning muqimliqi we tinchliqni qoghdishigha töhpe qoshidighanliqini tekitlidi.

xitayning pakistan déngiz armiyesi üchün yene 3 dane «054A/P» tipliq qoghdighuchi paraxot yasap béridighanliqi bildürüldi.