b d t: birmada herbiy – siyasiy özgirishtin kéyin insaniyetke qarshi jinayet sadir qilinghan
birleshken döletler teshkilati delil-ispatlarning birmada herbiy – siyasiy özgirishtin kéyin insaniyetke qarshi jinayet sadir qilinghanliqini körsitidighanliqini bildürdi.
türkiye awazi radiyosi xewiri: birleshken döletler teshkilati birma musteqil tekshürüsh mixanizimining mesuli nikolas komjyen, birmada herbiy – siyasiy özgirishtin kéyin puqralargha qaritilghan keng kölemlik we sistémiliq hujumlarning «insaniyetke qarshi jinayet» teshkil qilidighanliqini ispatlaydighan delil-ispatlarning toplanghanliqini éytti.
komjyen, birleshken döletler teshkilati bash merkizide ötküzgen muxbirlarni kütüwélish yighinida, birmada yüz bergen 1-féwral herbiy – siyasiy özgirishidin kéyin, kishilik hoquq depsendichilikliri mesiliside 1.5 milyon parchidin artuq delil – ispat toplighanliqlirini eskertish bilen bir waqitta, herbiy – siyasiy özgirishtin kéyin, rohingya musulmanlirigha qaritilghan zulum we zorawanliqning köpiyip köpeymigenliki heqqide toxtilip, «hem ular hem bashqa étnik guruppilar, ilgirikige qarighanda téximu köp xiris we xeter astida» dédi.
u yene, nefret uchurlirini tarqitish bilen eyiblengen ammiwi ortaqlishish tor béti Facebook tin, birma musteqil tekshürüsh mixanizimi bilen téximu köp uchurlarni hembehirlishini kütüwatqanliqlirini qeyt qildi, hemde bashqa teshkilatlarnimu özliri bilen delil – ispat teshkil qilidighan uchurlarni ortaqlishishqa chaqirdi.
