mark milléy xitay hujum qilghan teqdirde, amérika armiyesining teywenni qoghdaydighanliqini éytti
amérika armiyesi bash ishtab bashliqi général mark milléy amérika armiyesining xitay hujum qilghan teqdirde, teywenni «qetiy qoghdash iqtidari»gha ige ikenlikini éytti.
türkiye awazi radiyosi xewiri: «The Hill»ning xewirige asaslanghanda, mark milléy aspén bixeterlik munbiridiki sözide, xitay bilen teywen otturisidiki jiddiychilik toghrisida toxtilip, xitayning kelgüsi ikki yilda teywenni kontrol qilishqa urunidu, dep qarimaydighanliqini, emma eger mushundaq bir ish yüz bergen teqdirde, amérika armiyesining elwette «aralni qoghdash iqtidari»gha ige ikenlikini éytqan.
eger xitay teywen arilini qolgha kirgüzüshke urunsa, arilishish qararining aqsaraygha baghliq bolidighanliqigha isharet qilghan milléy, béyjing hökümitining bu qedemni küntertipige kirgüzüsh éhtimalliqigha qarshi pilanlarning tüzülgenlikini tekitlidi.
milléy yene, xitayning eng yéngi awazdin téz bashqurulidighan bomba siniqini tilgha élip, buning dunya urushliridin buyanqi yersharidiki eng muhim küch özgirishlirining biri ikenlikini bildürdi.
général milléy 28-öktebir xitay awazdin téz ilgirileydighan bashqurulidighan bomba sistémisi siniqining «muhim ehwal» ikenlikini tekitlep, «kishini endishige salidighan (bir ish)» dégenidi.
