girétsiye: türkiye bilen ijabiy diyalog ornitishni xalaymiz
girétsiye tashqi ishlar ministiri nikos déndias dölitining türkiye we türkiye xelqi bilen ijabiy diyalog ornitishni xalaydighanliqini éytti.
türkiye awazi radiyosi xewiri: girétsiye tashqi ishlar ministiri nikos déndias, silowényye diplomatiye ministiri anzé logar bilen atinada körüshkendin kéyin ötküzülgen qoshma axbarat élan qilish yighinida, girétsiye – silowéniye munasiwetliridin sirt yene, sherqiy aqdéngizdiki özgirishler we türkiye heqqide toxtalghanda, türkiye we türkiye xelqige qarita yaman niyetlik emesliklirini ilgiri sürüp, mundaq dédi: «girétsiye türkiye xelqi bilen diyalog ornitishni arzu qilmaqta, chünki türkiye xelqining köp qismi hazirmu yawropa bilen bir gewdilishish we özgiche bir xil basquchning ishqa ashurulushini xalaydighanliqigha ishenmekte.»
girétsiyening herdaim ijabiy pozitsiye tutup kéliwatqanliqini ilgiri sürgen déndias, yawropa ittipaqiningmu ittipaqqa eza bolushni yaki yawropa ittipaqi bilen yaxshi munasiwet ornitishni xalaydighan döletlerge, xelqara qanun we yawropaning qanun – belgilimilirige hörmet qilishi lazimliqi toghruluq ochuq signal bérishining zörürlükini qeyt qildi.
