xitay bilen rusiye shimaliy koréyege yürgüzülüwatqan jazalarning boshitilishini telep qildi

türkiye awazi radiyosi xewiri: rusiye bilen xitay birleshken döletler teshkilati (b d t) xewpsizlik kéngishige «yadro pilani sewebidin shimaliy koréyege yürgüzülüwatqan jazalarning insaniy weziyetke tesir körsetkenliki»ni ilgiri sürüp, jazalarni yéniklitish teklipi sundi.

xitay bilen rusiye shimaliy koréyege qaritilghan jazalarning yéniklitishni mezmun qilghan bir qarar layihesini b d t gha sundi.

mezkur qarar layiheside, shimaliy koréyediki «puqralar we insanperwerlik weziyitige tesir yetküzidighan» jazalarning emeldin qaldurulushi telep qilinip, döletning déngiz we toqumichiliq mehsulatliri éksportigha qaritilghan cheklime bilen pishshiqlap ishlengen néfit import qilish cheklimisining bikar qilinishi otturigha qoyuldi.

b d t xewpsizlik kéngishide bir qarar layihesining maqullinishi üchün, 15 ezaning kem dégende toqquzi qollap bélet tashlishi, shundaqla amérika, rusiye, xitay, engliye we firansiye qatarliq daimiy ezalarning héchbiri ret qilish hoquqini ishletmesliki kérek.

birleshken döletler teshkilati (b d t) ning shimaliy koréye kishilik hoquq mesilisi boyiche alahide doklatchisi tomas ojéa kuwintanamu bir qétimliq doklatisunush jeryanida, shimaliy koréyediki acharchiliq xewipini nezerde tutup, bezi jazalarni boshitishqa chaqirghanidi.

shimaliy koréye rehbiri kim jongunning yuqum sewebidin yolgha qoyghan qattiq tedbirlirining döletni yalghuzlashturup,  xelqning asasiy éhtiyajliq eshyaliridin mehrum qalghanliqini tilgha alghan kuwintana, chégralar taqaq halette qéliwiridighan bolsa, acharchiliq xewipining küchiyidighanliqini éytip agahlandurghanidi.

b d t xewpsizlik kéngishi yadro pilani sewebidin 2006- yildin bashlap shimaliy koréyege iqtisadiy we herbiy jaza yürgüzüp kelmekte.