afghanistan bilen pakistan otturisidiki chégra éghizi échildi
afghanistan bilen pakistan otturisidiki spin boldak chégra éghizining piyadiler bilen soda aptomobillirining ötüshige échiwétilgenliki bildürüldi.
türkiye awazi radiyosi xewiri: afghanistan taratqulirining xewirige qarighanda, afghanistanning qendihar wilayiti spin boldak baziri bilen pakistanning baluchistan ölkisining chemen shehiri otturisidiki chégra éghizi bir ay taqaq turghandin kéyin qayta échilghan.
pakistanning kabulda turushluq bash elchisi mensur ehmed xan özining ijtimaiy alaqe toridiki adrésida uchur hembehrilep, spin boldak chégra éghizining piyadiler we soda aptomobillirigha échiwétilgenlikini, pakistan hökümitining 31- dékabirghiche afghanistan xelqidin wiza heqqi almaydighanliqini uqturdi.
mezkur chégra éghizidin (shu yer waqti) 08:00 din 16:00 giche bolghan ariliqta her ikki terepke ötüshning mumkinliki qeyt qilindi.
ikki dölet otturisidiki muhim chégra éghizlirining biri bolghan spin boldak bilen torxam chégra éghizliri 8-aydin bashlap pakistan we talibanlar teripidin bir qanche qétim taqilip, qaytidin échilghanidi.
chégra rayonliridiki ikki dölet bixeterlik qisimliri otturisida pat – pat yüz bérip türidighan jiddiylikning chégra éghizlirining taqilishini keltürüp chiqiriwatqanliqi ilgiri sürülmekte.
