modérna waksinasini 17-12 yashlardiki balilargha emlesh kéchiktürüldi
amérika yémek-ichmek we dora idarisi modérna waksinasining bir muddet kéchiktürülgenlikini élan qildi.
türkiye awazi radiyosi xewiri: amérika yémek-ichmek we dora idarisi modérna shirkiti qoramigha yetkenler üchün tetqiq qilip yasighan wuxen wirusi (Kovid-19) waksinasini emleshning <<eks tesir éhtimalliqlirini téximu yaxshi tetqiq qilish üchün>> bir muddet kéchiktürülgenlikini élan qildi.
modérna mesulliri élan qilghan bayanatta, amérika yémek-ichmek we dora idarisi wuxen wirusi waksinasini 17-12 yashlardiki balilargha emlesh yaki emlimeslikke munasiwetlik qararni, waksina emletkenlerde körülüsh éhtimali bolghan yürek késili qozghilish xetirini közitish üchün kéchiktürgenliki, tetqiqatning yanwar (2022) ghiche dawamlishidighanliqi qeyt qilindi.
amérika yémek-ichmek we dora idarisi modérna shirkitige ewetken uqturushta, waksina emletkenlerde intayin az körülidighan yürek késili qozghilishqa munasiwetlik xelqaraliq melumatlarni analiz qilish üchün köp waqitqa éhtiyajliq ikenlikliri eskertildi.
mezkur qarar, yaponiye we iskandinawiye döletlirini öz ichige alghan nurghun döletler, modérna waksinasining 30-18 yashlardiki erlerde yürek moskuli yallughi peyda bolush endishelirini tilgha alghandin kéyin chiqirildi.
modérna shirkiti yekshenbe (2021-yili 31-öktebir) küni bayanat élan qilip, amérika yémek-ichmek we dora idarisidin alte yashtin 11 yashlardiki balilar üchün emlesh ruxsiti bérishni telep qilishni kéchiktüridighanliqini bildürgen idi.
