amérikada élip bérilghan bir tekshürüsh netijisi waksinining ünümini ispatlidi
kowid—19 yuqumigha qarshi tereqqiy qildurulghan waksinilarning bixeter we ünümlük ikenliki yene bir qétim ispatlandi.
türkiye awazi radiyosi xewiri: amérika késelliklerning aldini élish we kontrol qilish merkizi 9 saghlamliq orgini bilen hemkarliship élip bérilghan tetqiqat doklatini élan qildi؛ doklatta körsitilishiche, Pfizer , Moderna we Johnson and Johnson waksinisi emlengen 11 milyon adem tekshürülgen, 7 saghlamliq merkizining 2020-yili 12-aydin 2021-yili 7-ayghiche bolghan jeryandiki éléktronluq sanliq melumatlirimu tekshürülüp analiz qilinghan.
waksina emlengenlerning kowid -19 din bashqa sewebler bilen ölüp kétish nisbitining waksina emletküzmigenlerge qarighanda xélila töwen ikenlikini otturigha qoyghan tekshürüshte, Pfizer / Biontech waksinisining her ikki qutisini emletkenlerning waksina emletküzmigenlerge sélishturghanda, kowid—19 din bashqa késellikler bilen ölüp kétish xewpining %34 töwen ikenliki ispatlandi.
tetqiqat arqiliq Kovid-19 waksinisining ünümlük we bixeter ikenliki yene bir qétim ispatlanghan boldi.