firansiyediki katolik chérkawlard 330 ming kichik bala jinsiy tajawuzchiliqqa uchridi
firansiyede bir pop heqqide 2 kichik baligha jinsiy tajawuz qilghanliqi sewebidin tekshürüsh bashlandi.
türkiye awazi radiyosi xewiri: firansiyediki katolik chérkawgha qarashliq xususiy mektepler we organlarda 330 ming kichik bala jinsiy tajawuz chiliqqa uchridi.
réyms teptish emeldari mattiyu borrét 21 - öktebirde ikki kishining baliliq dewride oxshash birla pop teripidin 1990 – yilliri jinsiy tajawuzchiliqqa uchrighanliqi sewebidin éléktronluq xet arqiliq erz sunghanliqini bildürdi.
bu kishilerdin birsining 1996-1999-yilliri arisida köp qétim jinsiy tajawuzchiliqqa uchrighanliqini doklat qilghanliqini bayan qilghan teptish emeldari mattiyu borrét, bu kishilerning bayanlirining élinishini telep qilghanliqini éytti.
borrét buninggha qarita pop heqqide «kichik balilargha jinsiy tajawuzchiliq qilish sewebi bilen» tekshürüshning bashlanghanliqini uqturdi.
chérkawlardiki jinsiy suyiistémal komitéti (CIASE) 5- öktebir élan qilghan bayanatida, 1950-yildin buyan chérkawlarda 216 ming kichik balining jinsiy suyiistémalgha uchrighanliqini élan qilghan idi.
katolik chérkawigha qarashliq xususiy mektepler we organlardiki xadimlar sadir qilghan jinsiy suyiistémal délolirini qoshqanda, bu sanning 330 minggha yétidighanliqi eskertilgen doklatta yene, chérkawlardiki jinsiy suyiistémalning «sistémiliq hadise» ikenliki bildürülgen idi.
chérkawlardiki jinsiy suyiistémal komitéti (CIASE) ning reisi qén mark sauw élan qilghan bayanatida, katolik chérkawining jinsiy suyiistémal weqelirige qarshi kéreklik tedbirlerni yolgha qoymighanliqini tekitlep, bu chérkawlarni mesuliyetni üstige élishqa chaqirdi.