yemendiki herbiy heriketlerde 814 kishi jénidin ayrilghan
yemende hökümet we birleshme qisimning iranning qollishi astidiki husiy qoralliq küchliri bilen toqunushi, hemde hawa hujumliri sewebidin 814 kishi jénidin ayrildi.
türkiye awazi radiyosi xewiri: seudi erebistan s p a (SPA) agéntliqining xewiride körsitilishiche, birleshme qisim yéqinqi 72 saette marib wilayitining gherbige jaylashqan el qesara we eljewbe rayonlirida jemiy 88 qétim herbiy heriket élip barghan.
herbiy heriketlerde 264 tin köp husiy qoralliq küchi bir terep qilinghan we 36 herbiy aptomobil pachaqlap tashlanghan.
husiy qoralliq küchlirining bayanatchisi yehya esseri axbarat élan qilip, husiy qoralliq küchlirining 550 kishini öltürgenlikini, 1200 kishini yaridar qilghanliqini we 90 kishini esirge alghanliqini bildürdi.
u: «ghebwe bilen marib wilayetliride <zafer bahari> herbiy heriketliride jemiy 3200 kiwadrat kilométirliq jay qutquzuldi» dédi.
yemendiki iranning qollishi astidiki husiylar 2014-yili séntebirdin tartip paytext sana we bezi jaylarning kontrolluqini tutup turuwatqan bolup, seudi erebistan bashchiliqidiki birleshme qisim 2015-yili marttin buyan husiylargha qarshi yemen hökümitini qollap kelmekte.
yemende yette yildin buyan dawamlishiwatqan toqunushlarda 233 ming kishi jénidin ayrildi. dunyadiki eng kembeghel döletler arisidin orun alghan yemende ichki urush sewebidin téximu chongqurlashqan insaniy kirizis barghanséri qorqunch tüske kirdi.
b d t ning melumatlarida, texminen 30 milyon nopusqa ige yemende, 22 milyondin köp kishi insanperwerlik yardemlirige we qoghdashqa mohtaj ikenliki qeyt qilinmaqta.
