amérika abdulhemid elmetarning öltürülgenlikini uqturdi
elqaide teshkilati katibashliridin abdulhemid elmetarning süriyening tel abyad nahiyesi suluk bazirigha yéqin jayda élip bérilghan hawa hujumida öltürülgenliki élan qilindi.
türkiye awazi radiyosi xewiri: amérika armiyesi merkizi qisimlar qomandanliqi yazma bayanat élan qilip, amérika qoshma ishtatlirining süriyening gherbiy shimalida élip barghan hawadin zerbe bérish herikitide abdulhemid elmetarning bir terep qilinghanliqini uqturghandin kéyin: «MQ-9 tipliq uchquchisiz hawa apparati bilen élip bérilghan hujumda puqralarning talapetke uchrighanliqi toghrisida qolimizda héchqandaq uchur yoq» dégenlerni qeyt qildi.
elqaide teshkilatining amérika we uning ittipaqdashlirigha xewp peyda qilishni dawamlashturuwatqanliqigha isharet qilinghan bayanatta: «elqaide süriyeni qayta qurush, tashqi teshkilatlar bilen maslishish we sirtta weqe peyda qilishni pilanlash üchün bixeter panahlinish orni qilip ishlitiwatidu. elqaide yene, süriyedin süriye, iraq we uningdin halqighan tehditlerning merkizi süpitide paydilanmaqta» dégen ibarilerge orun bérildi.
