b d t: birmada démokratiyege qaytish ishiki yépilip qélish aldida turuwatidu
birleshken döletler teshkilati (b d t) ning birma alahide wekili kiristina shranér burgénér, hökümetni siyasiy özgirish qozghash arqiliq qolgha chüshürgen armiyening yarishish we diyalog terepdari emeslikini ilgiri sürdi.
1723371
türkiye awazi radiyosi xewiri: burgénér b d t bash ishtabida ötküzülgen muxbirlarni kütüwélish yighinida, birmaning ichki urushqa qarap ilgirilewatqanliqini éytti.
b d t we her qaysi döletlerning birmadiki herbiy hakimiyetni étirap qilmasliqining muhimliqini tekitligen burgénér, hökümetni siyasiy özgirish qozghash arqiliq qolgha chüshürgen armiyening yarishish we diyalog terepdari emeslikini tekitlidi.
u, birmada démokratiye we démokratik islahatqa qaytish ishikining yépilip qélishqa yéqinlap qalghanliqini, bu dölettiki insanperwerlik weziyitining intayin nacharliqini otturigha qoyup, b d t teripidin insanperwerlik yardimi qiliniwatqanlar sanining bir milyondin üch milyongha köpeygenlikini eskertti.