xitay bilen rusiye sibiriyede birleshme manéwir bashlidi
xitay bilen rusiye sibiriye déngiz qirghiqida birleshme déngiz manéwiri bashlidi.
türkiye awazi radiyosi xewiri: «yershari waqti géziti» ning xewirige qarighanda, «ortaq déngiz 2021» namliq manéwir, rusiyening wiladiwostok shehiri sirtidiki pétér qoltuqida ötküzülgen.
manéwirning xitay we rusiye déngiz armiyelirining alaqe, minadin qoghdinish, ayropilangha qarshi turush we su asti paraxotigha qarshi turush iqtidaridin paydilinip, birleshme heriket élip bérish we déngizdiki nishanlargha birleshme zerbe bérish iqtidarini yuqiri kötürüshni meqset qilidighanliqi bildürüldi.
bu xitayning su asti paraxotlirigha zerbe bérish ayropilanliri we éghirliqi 10 ming tonnadin artuq kélidighan qoghlighuchi paraxotlirining tunji qétim chet eldiki bir manéwirgha qatnashturulushi bolup, manéwir yekshenbe künigiche dawamlishidiken.
amérika qoshma ishtatlirining yershariwi we rayon xaraktérlik siyasetliri we herbiy küch qollinish siyasitini eyibliwatqan ikki döletning, washingtonning engliye we awstraliye bilen birliship qorghan awkus ittipaqi ramkisi ichide awstraliyening tinch okyandiki su asti qisimlirigha yardem qilidighanliqini élan qilghan bir peytte manéwir ötküzüshi diqqetni tartti.
