rusiye: afghanistanda térrorchilarni qoral bilen teminlesh yolliri taqilishi kérek
rusiye afghanistandiki térrorchilarni qoral bilen teminlesh yollirini tézdin taqash kéreklikini otturigha qoydi.
türkiye awazi radiyosi xewiri: rusiye tashqi ishlar ministiri sérgéy lawrow moskwada ötküzülgen musteqil döletler ortaq gewdisi dölet bixeterlik we xewpsizlik organlirining 17-qétimliq bashliqlar yighinida söz qildi.
sérgéy lawrow, afghanistandiki ottura asiyagha köchmen éqishining köpiyishini keltürüp chiqiridighan insanperwerlik weziyitining téximu nacharlishishining aldini élish kéreklikini otturigha qoyup: «biz térrorchilar we bashqa radikal unsurlarning musapirlar tonigha orunup jenubiy chégradin singip kirishidin ensireydighanliqimizni ortaqlishishni xalaymiz. ulargha her xil herbiy mehsulatlar teminliniwatqan qanallar tézdin taqilishi kérek» dédi.
musteqil döletler ortaq gewdisi, kolléktip bixeterlik shertnamisi teshkilati we shangxey hemkarliq teshkilati ramkisi ichide afghanistan bilen bolghan hemkarliqni kücheytishning muhimliqini otturigha qoyghan lawrow, bu mesilining ötken ay tajikistanning paytexti düshenbide chaqirilghan shangxey hemkarliq teshkilati bashliqlar yighinida muzakire qilinghanliqi tekitlidi.
taliban amérika qoshma ishtatlirining afghanistandiki 20 yilliq herbiy mewjutluqini axirlashturushidin kéyin, yéngidin hakimiyetni qoligha alghanidi.
