gutérrés éfiyopiyege tosalghusiz insanperwerlik yardimi yetküzüsh chaqriqi élan qildi
birleshken döletler teshkilati bash katipi antoniyo gutérrés éfiyopiye hökümitige chaqiriq élan qilip bu dölettiki insanperwerlik krizisigha qarita yardemlerning «tosalghusiz yetküzülishige» imkaniyet yaritip bérishi kéreklikini telep qildi.
türkiye awazi radiyosi xewiri: gutérrés b d t xewpsizlik kéngishini éfiyopiyediki insanperwerlik kirizisi weziyiti we b d t ning 7 xizmetchisining dölettin qoghlanghanliqi toghrisida melumat berdi. tigray, amxara we afar rayonida 7 milyongha yéqin kishining yémeklik yardimige mohtaj ikenlikini bildürdi.
gutérrés éfiyopiyening shimalida toqunush yüz bergenlikini tigrayda 400 ming kishining acharchiliq sharaitida yashawatqanliqini we insanperwerlik yardemlirini éhtiyajliq kishilerge yetküzüsh mumkin bolmaywatqanliqini éytti.
yéqilghu we dora qatarliq insanperwerlik yardimi boyumliri ewetishning tosqunluqqa uchrighanliqini tilgha alghan gutérrés, éfiyopiye hökümitige dölettiki insanperwerlik krizisigha qarita yardemlerning tosalghusiz yetküzülishige yol qoyush chaqiriqi élan qildi.
gutérrés éfiyopiyede her qaysi tereplerning kishilik hoquqqa dexli-teruz qilghanliqini, ayallar we balilargha qaritilghan jinsi zorawanliq weqeliridin chongqur endishe qiliwatqanliqini tekitlidi.
gutérrés éfiyopiye hökümitining «yaxturulmaydighan kishi» élan qilip, dölettin qoghlap chiqirilghan b d t ning 7 xizmetchisige qaytip bérish ruxsiti bérishi kéreklikini telep qildi.
