islamgha öchmen hejiwiy ressam qatnash weqeside köyüp öldi

türkiye awazi radiyosi xewiri: shiwitsiyening «dagéns nixér» gézitining xewirige asaslanghanda, lars wilkis we ikki qoghdughuchisi qatnash weqeside qaza qilghan.

saqchi bashliqi andérs tornbér élan qilghan bayanatida, weqeni jezmleshtürdi we ikki saqchining aile-tawabiatlirigha teziye bildürdi.

shiwitsiye döletlik téléwiziye qanili «SVT» ning xewer qilishiche, smaland rayonidiki markarid olturaq rayonigha yéqin yuqiri süretlik tashyolda yük mashinisigha soqulushi netijiside lars wilkis  olturghan aptomobil partilighan we ot ketken. weqede islamgha öchmen ressamni qoshqanda 3 kishi köyüp ölgen we bir kishi éghir yarilanghan.

yarilanghan kishining yük mashinisi shopuri ikenliki, aptomobilda qaza qilghanlarning bolsa, lars wilkis we ikki saqchi qoghdighuchisi ikenliki uqturulghan.

smaland saqchiliri bu weqeni tekshürüshni bashlighanliqini élan qildi.

2007 - yili shiwitsiyening yerlik géziti «nérikis alléxanda» lars wilkisning muhemmed eleyhissalamgha haqaret qilghan hejiwiy resimliri élan qilinghan we islam dunyasida zor naraziliq qozghighan idi.

2007 - yildin bashlap mexpiy adrésta yashashqa bashlighan we saqchi qoghdughuchiliri bilenla sirtqa chiqalaydighan bolup qalghan wilkis, nurghun programmilirida naraziliqqa uchrighan, hetta uninggha tuxum bilen hujummu qilinghan idi.