kabulda taliban bilen daésh otturisida qoralliq toqunush yüz berdi
afghanistanning paytexti kabulda taliban küchliri bilen térorluq teshkilati daésh ezaliri otturisida toqunush yüz berdi.
1714255
türkiye awazi radiyosi xewiri: talibanning bayanatchisi we taliban hökümitining «muawin medeniyet ministiri» zabihulla mujahid kabulning 17 - saqchi rayonida térorluq teshkilatigha qarshi heriket élip bérilghanliqini éytti.
zabihulla mujahid herikette térorluq teshkilati daéshqa tewe panahjayning pachaqlap tashlanghanliqi tilgha élip, panahjaydiki daésh ezalirining öltürülgenlikini élan qildi.
shahitlar bolsa, tünügün kechte kabulning xeyrxane rayonida daésh ezaliri bilen taliban küchliri otturisida yüz bergen toqunushta partilash awazlirini anglanghanliqlirini bildürdi.
