engliyede eskerler yéqilghu bilen teminlesh xizmetlirige qatnishidu
engliye qoralliq qisimliri düshenbidin bashlap may qachilash ponkitlirigha yéqilghu toshushqa bashlaydu.
türkiye awazi radiyosi xewiri: engliye hökümiti bayanat élan qilip, 100 nepiri shopur bolup jemiy 200 etrapida eskerning may qachilash ponkitlirining bésimini yéniklitish üchün «waqitliq» yardem béridighanliqini uqturdi.
bir hepte boyiche may tankérliri we may qachilash ponkitlirining iskilatlirini qandaq toldurushni ögengen eskerler, düshenbe küni etigende tunji qétimliq yötkesh – teminlesh xizmitini ishqa ashuridu.
buningdin bashqa, 300 ge yéqin chet el yéqilghu tankéri shopurimu martning axirighiche ishlesh üchün pat yéqinda engliyede xizmetke chüshidu.
bir tekshürüsh netijiside körsitilishiche, engliyediki kem dégende 26 pirsent may qachilash ponkitida bénzin yaki dizél yoq iken.
kirizis aldinqi hepte BP we tésko birleshmisining dölet miqyasida éghir tiptiki qatnash wasitiliri shopurlirining kemchilliki sewebidin teminlesh xizmitining toxtap qalghanliqini élan qilishidin kéyin bash kötürgenidi.
mezkur uqturush élan qilinghandin kéyin, ponkitlarning aldida uzun öchretler shekillengen, bezi ponkitlarda yéqilghu tügep ketkenidi. mesilini hel qilish üchün qisqa muddet eskerlerdin paydilinidighanliqi élan qilinghanidi.
