awistiriyaliyening xelqaraliq chégra éghizliri noyabirda échiwétilidu
awistiriyaliye bash ministiri skot morrison «kowid – 19» yuqumining keng tarqilip kétishining aldinish élish meqsitide 2020 – yili martta taqiwétilgen xelqaraliq chégra éghizlirining noyabirda qayta échiwétilidighanliqini bildürdi.
türkiye awazi radiyosi xewiri: morrison, paytext kanbérrada ötküzülgen muxbirlarni kütüwélish yighinida, «kowid – 19» yuqumi waksinisining her ikki shéshisini emletküzgenlerning noyabirda chet elge sayahetke chiqalaydighanliqini, xelqaraliq chégra éghizlirining, aldi bilen, her ikki shéshe waksina emlesh nisbiti yéqinda % 80 ke yétishi kütülüwatqan yéngi jenubiy gallér ishtatidin bashlap, bu nisbetke yetken bashqa ishtatlardimu échiwétilidighanliqini, döletke qaytidighan qosh shéshe waksina emletken awistiriyaliyeliklerning, ilgirikidek 14 kün méhmanxanilarda karantin astigha kirishning ornigha, yéngi jenubiy gallér ishtatida uda 7 kün öz öyliride karantin astigha kiridighanliqini tekitlep mundaq dédi: «chégra éghizlirini taqash arqiliq xelqimizning hayatlirini qutquzup qalduq, ularning turmush menbelirini qoghdiduq, emdi biz, awistiraliyeliklerning ilgirikige oxshash bu dölette erkin - azade yashishigha kapaletlik qilish üchün, birlikte tirishchanliq körsitishimiz lazim.»
igilinishiche, awistiriyaliyege baridighan we «kowid – 19» yuqumi waksinisini emletküzmigenler üchün, 14 künlük méhmanxanilarda karantin astigha kirish belgilimisi dawamliq yolgha qoyulidiken.
