firansiye b d t xewpsizlik kéngishining kéngeytilishini qollaydighanliqini uqturdi
firansiye uzundin buyan birleshken döletler teshkilati xewpsizlik kéngishining kéngeytilishi pikrini qollap kelgenlikini élan qildi.
türkiye awazi radiyosi xewiri: firansiye tashqi ishlar ministirliqi bayanatchisi agnés won dér muhl muxbirning «türkiye jumhur reisi rejep tayyip erdoghan b d t ezalirining hoquq dairisini kéngeytish, b d t ning besh daimiy ezasini bulunggha qistash meqsetlik bir yol xeritisining barliqini élan qildi. firansiye bu heqte némilerni oylaydu?» dégen soaligha yazma jawab berdi.
«firansiye uzundin buyan b d t ning kéngeytilishini qollap keldi. firansiye b d t ning hem daimiy hemde waqitliq bolup her ikki katégoriyeside kéngeytilishini qollaydu» dégen ibarilerni ishletken muhl, bu dairide dölitining gérmaniye, biraziliye, hindistan we yaponiyening b d t xewpsizlik kéngishining daimiy ezaliqi bilen afriqa döletlirining daimiy we waqitliq ezalar ichidiki salmiqini ashurushni qollaydighanliqini bildürdi.
jumhur reis erdoghan 23 – séntebirde amérika qoshma ishtatlirining nyu-york shehiridiki türk öyide qilghan sözide, «téximu adil dunya berpa qilish mumkin» namliq kitabida b d t ning, bolupmu xewpsizlik kéngishining etrapliq islahatqa mohtaj ikenlikini otturigha qoyghanliqini eslitip ötkenidi.
erdoghan afriqa döletlirining b d t xewpsizlik kéngishining daimiy ezaliq pursitige érishishi kéreklikini otturigha qoyup: «biz buni emelge ashuralighinimizda, dunyadiki barliq döletlerge hoquq bérilgen bolidu. eksiche bolghanda, bundaq dunya yashashqa bolidighan bir dunya emes» dégenidi.