gollandiye bash ministiri hujum yaki tutqun qilish tehditi astida turmaqta
gollandiye bash ministiri mark ruttégha qaritilghan hujum yaki tutqun qilish éhtimalliqigha munasiwetlik igilengen istixbaratqa asasen bixeterlik tedbirlirining kücheytilgenliki ilgiri sürüldi.
türkiye awazi radiyosi xewiri:yerlik taratqularning xewerliride, mark rutténing xan jemeti we diplomatiye bixeterlik idarisi teripidin alahide terbiyelengen saqchilar teripidin téximu bek qoghdilidighanliqi bildürüldi.
muhim menbelerdin élinghan uchurlargha asasen xewerlerde, rutténing teshkillik jinayet teshkilati «mokro-mafiye» teripidin hujum qilish yaki tutqun qilish nishani ikenliki ilgiri sürüldi.
rutténing tehdit astida ikenlikige dair istixbaratning séntebirning béshida kelgenliki tekitlengen xewerde yene, bash ministirning etrapida oxshimighan waqitlarda «mokro-mafiye» teshkilatigha tewe atalmish «paylaqchilar» ning bayqalghanliqi bildürüldi.
hökümet dairilirining bu ish toghrisida bayanat élan qilishni xalimaydighanliqi tekitlendi.
