awistiraliyede tor hujumi aldinqi yilgha sélishturghanda %13 ashti
awistiraliyede ötken bir yil ichide her 8 minutta bir qétim tor hujumi yüz berdi.
türkiye awazi radiyosi xewiri: awistiraliye tor bixeterlik merkizi (ACSC) awistiraliye jinayi ishlar razwédka komitéti we awistiraliye fédératsiye saqchiliri bilen hemkarliship teyyarlighan yilliq tor tehditi doklatida ruyxetke élinghan tor bixeterlik weqelirining töttin bir qismining sehiye, maarip we qatnashqa oxshash muhim ul eslihelerge tesir körsitiwatqanliqi bildürüldi.
doklatni teyyarlighan awistiraliye tor bixeterlik merkizi (ACSC) ning bashliqi abigayil biradshaw yaman gherezlik tor aktiyorlirining aktip halda awistiraliyeliklerni nishan qiliwatqanliqini tekitlidi.
abigayil biradshaw tor hujumining aldinqi yildikige qarighanda %13 ashqanliqini we awistiraliyeliklerning tehdittin mudapielinish üchün zörür tedbirlerni qollinishi kéreklikini telep qilip, «biz bir yilda 67 ming 500 din artuq tor jinayiti yaki bashqiche qilip éytqanda, her sekkiz minutta bir tor tehditi doklatini tapshuruwalduq. bu tor tehditi we jinayetchilirining qanchilik keng omumlashqanliqining ipadisidur» dédi.
awistiraliye muawin dölet mudapie ministiri andréw xasti doklatqa baha bérip, tor hujumining éshishigha qarshi küresh üchün téximu köp tor bixeterlik tedbirlirining lazimliqini éytti.
doklatta tor jinayetliri keltürüp chiqarghan 12 ayliq ziyanning 33 milyard dollardin éship ketkenliki we köp sandiki tor hujumining dölet menbelik aktiiyorlar yaki jinayetchiler teripidin élip bériliwatqanliqi uqturuldi.
