shimaliy koréye ballistik bashqurulidighan bomba siniaq qildi

türkiye awazi radiyosi xewiri: yaponiye döletlik taratqusi «NHK» ning hökümet menbelirini asas qilghan xewirige qarighanda, shimaliy koréye 15-séntebir etigende bashqurulidighan bomba siniqi élip barghan.

yaponiye dölet mudapie ministirliqi shimaliy koréyening sinaq qilghanliqi mölcherlengen «ballistik bashqurulidighan bomba» ning yaponiye tewelikige chüshmigenlikini élan qildi.

kyodo agéntliqining xewirige asaslanghanda, yaponiye déngiz qirghiqi muhapizet etriti bashqurulidighan bombining yaponiyening alahide iqtisadiy rayoni (EEZ) ning sirtigha chüshken bolushi mumkinlikini bildürgen.

amérika birleshme agéntliqi (AP) mu jenubiy koréye armiye bash ishtabining bayanatini menbe qilghan halda, shimaliy koréyening bashqurulidighan bombini döletning sherqiy déngiz qirghiqigha atqanliqini xewer qildi.

bashqurulidighan bomba siniqining tünügün amérika we jenubiy koréye diplomatliri yaponiyening paytexti tokyoda ötküzülgen «shimaliy koréye» témiliq bashliqlar yighinidin kéyin élip bérilghanliqi hemmining diqqitini tartmaqta.

yonxap agéntliqimu shimaliy koréye menbelirini asas qilghan xewiride, shimaliy koréyening hepte axirida musapisi 1500 kilomitir kélidighan «yéngi tiptiki bashqurulidighan bomba» siniiqi élip barghanliqini bildürgen idi.