amérika taliban hökümitige ijabiy baha bérishtin özini qachurdi

türkiye awazi radiyosi xewiri: amérika tashqi ishlar ministiri bayanatchisi néd prays washingtonda ötküzgen muxbirlarni kütüwélish yighinida, qatar awiyatsiye shirkiti ayropilanining amérika puqraliri we amérikaning olturaqlishish kénishkisi bar nurghun kishilerni élip afghanistandin ayrilghanliqini, özlirining buningdin xushal bolghanliqini bildürdi.

bayanatchi prays, talibanning amérika puqraliri we afghanistandin ayrilishni xalaydighanlargha yol qoyushta jehette qolayliq yaritip bergen yaki bermigenliki toghrisidiki bir soalgha jawab bérip: «biz (taliban heqqide) omumlashturup söz qilishqa teyyar emesmiz, bizning qiliwatqinimiz hazirghiche körgenlirimizni xaraktérlendürüsh, elwette, qatar awiyatsiye shirkiti nöwetchi ayropilanining bügün yolgha chiqishi kishini xushal qilidighan bir qedem boldi, buningdin ilgirimu éytqinimizdek, bu xil qoshumche qedemlerni peqet amérikala emes, xelqara jemiyetmu oxshash shekilde qarshi alidu» dédi.

u yene, xelqara jemiyet talibanlarni xelqqe ochuq we alahide wedilirining mesuliyitini sürüshte qilishni dawamlashturidu, dégenlerni qeyt qildi.

néd prays taliban hökümitining hemmisining dégüdek talibanning ezaliri ikenliki we ichki ishlar ministiriningmu amérika teripidin tutush buyruqi chiqirilghanlar tizimlikidiki bir kishi ikenliki toghrisidiki soalgha bolsa: «biz birinchi waqitliq hökümetke bolghan inkasimizni alliqachan bildürduq. sighdurushchan bolush jehettiki yétersizlikning we hökümetke qatnashqan bir qisim kishilerning ötmüshining endishe peyda qilghanliqini otturigha qoyduq. bu elwette xelqara jemiyet we uning bir parchisi bolghan amérikaning ümidini eks ettürmeydu» dep jawab berdi.