nato shimaliy iraqta yéngi bir qarargah qurushni pilanlimaqta
yawropa ittipaqining tashqi munasiwet we bixeterlik siyasiti yuqiri derijilik wekili josép borrél, shimaliy atlantik ehdi teshkilati – natoning iraqning erbil shehiride ikkinchi bir qarargah échishni pilanlawatqanliqini bildürdi.
türkiye awazi radiyosi xewiri: josép borrél bilen iraq kord rayonluq hökümetning bashliqi nechirwan barzani iraqning erbil shehiride qoshma muxbirlarni kütüwélish yighini ötküzdi.
borrél iraq kord rayonluq hökümitining iraq we rayonning muqimliqigha muhim töhpe qoshup kéliwatqanliqini, erbil bilen baghdad otturisidiki munasiwetning yaxshi bolushidin xushalliq hés qiliwatqanliqlirini we bu munasiwetni kücheytishke tirishchanliq körsitiwatqanliqlirini qeyt qildi.
yawropa ittipaqining daésh térrorluq teshkilatigha qarshi iraq kord rayonluq hökümitini qollashni dawamlashturidighanliqini bildürgen borrél, teshkilatning teltüküs yoqitilalmighanliqini bilidighanliqlirini tekitlidi.
u, erbilde herbiy meslihetchiler üchün ikkinchi bir nato qarargahining qurulidighanliqini, buning bilen birlikte, yawropa ittipaqi herbiy meslihetchilirining iraq kord rayonluq hökümitidiki xizmetlirini dawamlashturidighanliqini sözlirige ilawe qildi.
yawropa ittipaqi aliy wekili josép borrél, aldinqi küni iraq tashqi ishlar ministiri fuad hüseyin bilen paytext baghdadta körüshkenidi.
