ehmet mesud taliban bilen muzakire ötküzüshke teyyar ikenliklirini bildürdi
afghanistanning penjshir wilayitini kontrol qiliwatqan guruppilarning rehbiri ehmet mesud taliban qoralliq küchliri penjshir we andarabtin chékingen ehwalda muzakirege teyyar ikenliklirini élan qildi.
türkiye awazi radiyosi xewiri: afghanistanning penjshir wilayitini kontrol qiliwatqan guruppilarning rehbiri ehmet mesud paytext kabuldiki afghanistan alimlar shurasi tereplerni urush toxtitishqa we «musulman qéni töküshni axirlashturush» qa chaqirghandin kéyin, feysbuk adrésida muzakire ötküzüshke teyyar ikenliki toghrisida bayanat élan qildi.
u bayanatida, mesilini tinchliq bilen hel qilishni qollaydighanliqlirini bildürüp: «memliketlik qarshiliq körsitish fironti taliban penjshir we andarabqa qaratqan hujumlirini hemde herbiy heriketlirini toxtatqan ehwalda uzun muddetlik tinchliqqa érishish üchün urushni derhal toxtitishqa teyyar. alimlar we islahatchilar bilen keng dairilik yighinda, hemme tereplerni öz ichige alghan muzakirelerni dawamlashturushni ümid qilimiz» dédi.
u afghanistan xelqining köpinchisining musulman ikenlikini xatirilitip, talibanning penjshir we nahiyeliride «jihad qilishi» ning diniy we insaniy jehette menisiz ikenlikini eskertti.
u taliban chékingen ehwalda özliriningmu hujum qilishtin yiraq turidighanliqlirini tekitlidi.
tajik rehberning chaqiriqigha hazirche talibandin héchqandaq jawab kelmidi. penjshirde ikki kündin buyan dawamlishiwatqan shiddetlik urushta, wilayetni kontrol qiliwatqan guruppilarning bayanatchisi fehim deshtini bilen qomandan abdulwedud zereni öz ichige alghan yüzlerche jengchining jénidin ayrilghanliqi qeyt qilindi.
bu jeryanda, taliban afghanistanning penjshir wilayitini pütünley kontrolluqigha alghanliqini uqturdi.
taliban bayanatchisi zabihullah mujahit twittérda bayanat élan qilip: «düshmenning axirqi uwisi penjshir wilayitimu pütünley pethi qilindi» dédi.
u bayanatida, penjshirning qolgha kirgüzülüshi bilen, «dölette urushning pütünley toxtighanliqi» ni qeyt qildi.
ehmet mesud rehberlikidiki memliketlik qarshiliq körsitish fironti taliban bilen muzakire ötküzgen, emma kélishelmigen idi. paytext kabulgha texminen 50 kilométir kélidighan penjshir wilayiti, amérika 2001-yili kirishtin burunmu nahiye idi. texminen 170 ming nposi bar bolup, nopusining köpi tajik. 2001-yili kabulning talibandin qayturuwélinishida muhim rol oynighan penjshirliqlar, asasen dégüdek özlirini «aptonomiye» bilen bashquruluwatimiz dep bilidu.
